/p. 236/ DIALOGUS XXXVIII.
De infantium ex utero maculis.
Alex –
Celebrem illam parumper agitemus
quaestionem: cur aliquando
nascantur animantes effigie cerasi,
mali punici vel alterius fructus
aliqua in parte obsignati?
I. C. – Duobus modis id evenit. Alex. – Quisnam primus
est? I. C. – Si mulier conceptus aliquid simile
animo concipit, quo strategemate usus
est Iacobus, qui passim stratis obiectisque virgultis,
quibus cortices ademerat, maximam
gregis partem, cum se inirent, maculoso tegmine
varioque ac versicolore vellere praestitit,
sic picturatas alites, sic equos guttatos perficimus.
Quare scitissime Plinius[3] ita scripsit:
«Similitudo in animo menteque est reputatio
in qua multa creduntur fortuito pollere,
visus, auditus, memoria comprehensae haustaeque
sub ipso conceptu imagines, tum subito
oborta cuiusque rei cogitatio effingere similitudinem
formasque miscere creditur,
hinc alios avorum, alios patrum plerosque
autem cognatorum effigiem ostentare. Ideoque
plures in homine quam in reliquis animantibus
differentiae ac discrimina, quoniam